جب تک مناسب ساتھی نہیں مل جاتا شادی کرتی رہوں گی ، راکھی ساونت

حال ہی میں اپنے ایک انٹرویو کے دوران راکھی نے اپنے شادی کے حوالے سے ‘اعلان’ کیا کہ جب تک انہیں مناسب ساتھی نہیں مل جاتا وہ شادی کرتی رہیں گی۔

اس موقع پر راکھی ساونت نے اپنے سابق شوہر عادل خان کے بارے میں بات کی اور عدالت سے درخواست کی کہ وہ ان کے پیسے جلد سے جلد واپس کردیں اور یہ بھی بتایا کہ وہ عادل سے جلد از جلد طلاق چاہتی ہیں۔

انہوں نے مزید کہا کہ میں محبت کرتی رہوں گی کیونکہ یہ میری زندگی ہے، اور میری صرف ایک ہی زندگی ہے۔ مرنے کے بعد دوسری زندگی نہیں ملے گی۔ اگر آپ ہالی ووڈ جائیں تو آپ کو ایک سے زیادہ شادیاں ہوتی نظر آئیں گی، متعدد بوائے فرینڈز، اور رشتے، اور وہاں کوئی فرق نہیں پڑتا۔ تمام حدود صرف ہندوستان میں ہیں۔