ادویات کی قیمتوں میں کمی کے حوالے سے سینیٹ میں اجلاس

سینیٹ کو آج بتایا گیا کہ نگران حکومت نے ادویات کی قیمتوں میں اضافہ نہیں کیا ہے ،وزیر صحت ڈاکٹر ندیم جان نے وقفہ سوالات کے دوران ایوان کو بتایا کہ ہم نے ادویات کی قیمتوں میں اضافہ روکنے کیلئے ادویہ ساز صنعت کے ساتھ بات چیت کی ہے۔

انہوں نے کہا کہ حکومت نے پورٹل اور موبائل ٹیلی فون سروس کا آغاز کیا ہے جہاں لوگ ادویات کی قیمت، قلت اور معیار سے متعلق شکایات درج کرا سکتے ہیں۔

ڈاکٹر ندیم جان نے کہا کہ وفاقی حکومت جعلی ادویات کے مسئلے سے نمٹنے کیلئے صوبوں کے تعاون سے کام کر رہی ہے۔

انہوں نے کہا کہ اِس صورتحال کے پس منظر میں وفاقی اور صوبائی حکومتوں سمیت کھاد کی صنعت نے یوریا کی قیمت اور فراہمی پر نظر رکھی ہوئی ہے۔

انہوں نے کہا کہ صوبوں کو کھاد کی رسد بڑھا دی گئی ہے اور صوبائی حکومتیں ذخیرہ اندوزی کے خلاف کارروائی کر رہی ہیں۔

مرتضیٰ سولنگی نے کہا کہ یوریا کی بوری کی قیمت 5 ہزار سے کم ہو کر 4 ہزار 4 سو پچاس روپے پر آگئی ہے۔

پارلیمانی اُمور کے وزیر نے کہا کہ 95 ہزار ٹن درآمدی کھاد کے دو جہاز پاکستان پہنچ گئے ہیں۔