منگیتر کی خوشی کیلئےپنجرےمیں جانےوالےشخص کوشیرکھا گئے

ازبکستان کےچڑیا گھر میں منگیتر کو خوش کرنے کی غرض سے شیر کے پنجرے میں جانے والا شخص اپنی جان سےہاتھ دھو بیٹھا۔

غیر ملکی میڈیا رپورٹس کےمطابق گزشتہ ماہ 44 سالہ ایف ایرسکولو ازبکستان کے ایک چڑیا گھر میں بطور زوکیپرڈیوٹی کررہا تھاجس دوران اس نے منگیتر کو متاثر کرنے کیلئے 3 شیروں والے پنجرے میں جاکرویڈیو ریکارڈ کرنےکا فیصلہ کیا لیکن اسی دوران  ایرسکولو شیروں کی خوراک بن گیا اوراس کی چیخیں اور سسکیاں آخری آواز بن کر اس کے موبائل میں ریکارڈ ہوگئیں ، مرنےوالےشخص کے فون سےحاصل ہونےوالےکلپ میں ایف ایرسکولو  کو رات کے وقت شیروں کے پنجرے میں جاکر انہیں کھولتےاورپھرمنگیتر کو مخاطب کرکے شیروں سے باتیں کرتے دیکھا گیا لیکن ایرسکولوکوشی کو کھولنا بھاری پڑگیا، بھوکے شیروں نے زوکیپر پر  حملہ کرکے اسے اپنا شکار بنالیا۔

ایف ایرسکولو کی باقیات کو 4 گھنٹے بعد شیروں کے پنجرے سے نکالاگیا  جس دوران چڑیا گھر کی انتظامیہ نے تصدیق کی کہ تینوں شیر زوکیپر کو نشانہ بنانے کے بعد  چڑیا گھر سے فرار ہوگئے جس میں ایک کو تلاش کیے جانے کے بعد گولی ماردی گئی ۔