16 جنوری کے بعد ڈرائیونگ لائسنس کی فیس بڑھانے کا فیصلہ

لاہور: وزیراعلیٰ پنجاب محسن نقوی نے منگل کو پنجاب  بھر میں ڈرائیونگ لائسنس کی فیس میں اضافے کا اعلان کردیا۔

نئی قیمت کا اطلاق 16 جنوری سے ہوگا ،نگراں وزریر اعلی پنجاب محسن نقوی نے کہا  کہ ڈرائیونگ لائسنس کی فیس 16 جنوری سے بڑھائی جائے گی اور عوام کو مشورہ دیا کہ وہ اضافی اخراجات سے بچنے کے لیے آخری تاریخ سے پہلے اپنے لائسنس حاصل کرلیں۔ انہوں نے درست لائسنس کے بغیر موٹر سائیکل یا گاڑیاں چلانے کے خلاف کارروائی کا بھی کہا کہ بغیر لائسنس گاڑی وموٹر سائیکل چلانے والوں کے خلاف کارروائی عمل میں لائی جائے گی ۔ 

ابتدائی طور پر 5 دسمبر 2023 کو صوبائی حکومت نے ڈرائیونگ لائسنس کی فیس 60 روپے سے بڑھا کر 1000 روپے کرنے کی تجویز دی تھی تاہم وزیراعلیٰ محسن نقوی نے اس پر عمل درآمد 15 جنوری تک مؤخر کر دیا۔ نگراں وزیر اعلیٰ پنجاب  کی زیر صدارت صوبائی کابینہ کا اجلاس ہو ا جس میں اہم فیصلے کیے گئے ۔ 

یاد رہے کہ گزشتہ سال ایک کروڑ سے زائد ڈرائیونگ لائسنس جاری کیے گئے تھے۔