اداکارہ زویا ناصراور جرمن نژاد نومسلم منگیتر کرسٹن بیٹزمین کی راہیں جدا

تفصیلات کے مطابق معروف اداکارہ زویا ناصر اور جرمن ولاگر ان کے منگیتر کرسیٹن بیٹزمن نے انسٹاگرام پر ایک دوسرے کو اَن فالو کردیاجس کے بعد اداکارہ کی جانب سے واضاحت دیتے ہوئے انسٹاگرام پر ایک پیغام جاری کیا جس میں ان کا کہنا تھا کہ وہ کرسٹین بیٹزمین سے شادی نہیں کررہی ہیں۔اداکارہ نے وجہ بتاتے ہوئے لکھا ”میری ثقافت ، میرے ملک ، میرے عوام اور میرے مذہب کے بارے میں بے حسی کے حوالے سے اس میں اچانک آنے والی تبدیلی میرے اس مشکل اور اٹل فیصلے کا باعث بنی”۔

زویا نے واضح کیا کہ کچھ مذہبی و معاشرتی حدود ایسی ہوتی ہیں جنہیں کسی صورت پار نہیں کیاجاسکتا، اسی لیے علیحدگی کا فیصلہ کیا۔

اداکارہ نے کہا کہ میں اپنے اللہ سے دعاگو ہوں کہ وہ مجھے دنیاوی مشکلات سے نمٹنے کے لئے طاقت عطا فرمائے اور کرس کے روشن مستقبل کی خواہش کرتی ہوں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Zoya Nasir (@zoyanasir)

واضح رہے کہ اداکارہ زویا ناصر اور کرسیٹن بیٹزمن نے رواں سال فروری میں منگنی کا اعلان کیا تھا، ساحل پر ڈرامائی انداز میں شادی کی پیشکش اور پھر ان کی منگنی کی خبریں تصاویر کے ہمراہ سوشل میڈیا پر شیئر کی گئی تھیں۔