محسن نقوی نے بزنس فیسلیٹیشن سینٹر کا افتتاح کر دیا

  نگران وزیراعلیٰ پنجاب محسن نقوی نے کہا ہے کہ سیالکوٹ انٹرنیشنل ایئرپورٹ سے سیالکوٹ شہر تک ایک رویہ سڑک کی تعمیر کا کام آئندہ ماہ کی پندرہ تاریخ تک مکمل کر لیا جائے گا۔

سیالکوٹ میں کاروباری سہولیات مرکز کا افتتاح کرنے کے بعد میڈیا  سے گفتگو کرتے ہوئے محسن نقوی  نے کہا کہ سیالکوٹ ائیر پورٹ روڈ کیلئے ٹینڈر جاری کر دیئے گئے ہیں اور بدھ سے منصوبے پر باضابطہ طور پر کام کا آغاز کیا جائے گا۔

انہوں نے کہا کہ سیالکوٹ میں قائم کئے گئے کاروباری سہولیات مرکز نے این او سی کے اجراء کا عمل شروع کر دیا ہے۔محسن نقوی نے کہا کہ اسی طرح کے سہولیات مراکز گوجرانوالہ، ملتان، فیصل آباد اور راولپنڈی میں بھی جلد کھولے جائیں گے۔