انتخابات کو ملتوی  کرنے کیلئے  تیسری قراردادسینیٹ میں پیش

اسلام آباد: 8 فروری کو ہونے والے انتخابات کو ملتوی  کرنے کیلئے  تیسری قرارداد اتوار کو سینیٹ میں پیش کی گئی، جس میں اس اقدام کی وجہ خیبر پختونخوا میں موسمی حالات اور سیکیورٹی خدشات کو چیلنج کیا گیا ہے۔

آزاد پارلیمانی گروپ کے رکن سینیٹر ہلال الرحمان نے قرار داد پیش کی جس میں شدید سرد موسم، برف باری اور سیکیورٹی چیلنجز کو عام انتخابات میں رکاوٹیں قرار دیا گیا۔

قرارداد میں اس بات کو موضوع بنایا گیا کہ خیبرپختونخوا میں سخت موسمی حالات کت باعث  شہریوں کو ووٹ ڈالنے میں پریشانی کا سامنا ہے اور امیدواروں کو اپنی انتخابی مہم چلانے میں متعدد چیلنجز کا سامنا ہے۔

قرارداد میں کہا گیا ہے کہ ملک میں خاص طور پر کے پی میں سیکورٹی کے خدشات امیدواروں کو ان کی انتخابی مہم کے دوران دہشت گرد حملوں کے خطرات لاحق ہیں، جو رکاوٹیں پیدا کر رہے ہیں اور ان کی شرکت کو محدود کر رہے ہیں"۔ اس نے دلیل دی کہ انتخابات کے لیے 8 فروری کی طے شدہ تاریخ منصفانہ اور جامع انتخابی عمل کے لیے سازگار نہیں تھی۔

پہاڑی علاقوں میں شدید موسمی حالات اور سیکیورٹی کی بگڑتی ہوئی صورتحال کو دیکھتے ہوئے انتخابات میں تاخیر کا مطالبہ کیا گیا۔