اقلیتی امیدواروں کی حتمی فہرستیں جاری ، پی ٹی آئی کوٹے سے محروم

الیکشن کمیشن نے اقلیتی امیدواروں کی حتمی فہرستیں جاری کردیں۔ قومی اسمبلی کی 10 مخصوص نشستوں پر 37 امیدواروں کے کاغذات نامزدگی کو درست قراردے دیا گیا ہے۔ تاہم اس فہرست میں پی ٹی آئی کے اقلیتی امیدوار شامل نہیں ہیں۔ 

بلے کا انتخابی نشان واپس لینے سے پی ٹی آئی اقلیتی تشستوں کے کوٹے سے بھی محروم ہو گئی۔ پی ٹی آئی کی جانب سے اقلیتی امیدواروں کی فہرست الیکشن کمیشن کو دی گئی تھی جبکہ الیکشن کمیشن نے پی ٹی آئی انٹراپارٹی انتخابات کو کالعدم قرار دیا تھا۔

سپریم کورٹ نے بھی الیکشن کمیشن کے فیصلے کو بحال کرتے ہوئے پی ٹی آئی سے انتخابی نشان بلا واپس لینے کا حکم دیا تھا۔