پاکستان کاایران کے صوبہ سیستان میں جوابی آپریشن، مرگ برسرمچار میں متعدد دہشتگرد واصل جہنم

پاکستان نے صبح ایران کے صوبے سیستان میں دہشتگردوں کی مخصوص پناہ گاہوں کو نشانہ بنایا، آپریشن مرگ برسرمچار میں متعدد دہشتگرد مارے گئے۔

ترجمان دفتر خارجہ کا کہنا ہے کہ پاکستان نے ایران کے صوبہ سیستان و بلوچستان میں دہشت گردوں کے ٹھکانوں کو نشانہ بنایا، کارروائی قومی سامتی کے تحفظ اور دفاع کے غیر متزلزل عزم کا مظہر ہے

دہشتگردوں کی موجودگی اور سرگرمیوں کے ٹھوس شواہد والے ڈوزیئرز بھی ایران کے ساتھ شیئر کیے گئے۔

پاکستان چند سالوں سے ایران کو باربار دہشتگردوں کے بارے میں آگاہ کرتا رہے، پاکستان نے متعدد بار دہشت گردوں کے ٹھکانوں سے متعلق سنگین خدشات کا اظہار بھی کیا۔

ایران نے دو روز قبل بلوچستان کے علاقے سرحدی علاقے میں میزائل اور ڈرون حملے کر کے 2 بچیوں کو شہید اور 3 کو زخمی کر دیا تھا۔

پاکستان نے بلوچستان کے حملے کی شدید الفاظ میں مذمت کرتے ہوئے اسے پاکستان کی خود مختاری کی خلاف ورزی اور دو طرفہ تعلقات کے منافی قرار دیا تھا اور کہا تھا کہ اس حملے کی تمام تر ذمہ داری ایران پر عائد ہوتی ہے۔

دفتر خارجہ نے کہا کہ پاکستان اپنے عوام کے تحفظ اور سلامتی کیلئے تمام ضروری اقدامات کرتارہے گا۔