غیر شرعی نکاح کیس، سماعت بغیر کارروائی ملتوی

غیر شرعی نکاح کیس، اڈیالہ جیل میں عمران خان اور بشریٰ بی بی کے خلاف دوران عدت نکاح کیس کی سماعت اسلام آباد ہائیکورٹ کے حکم امتناع کے باعث بغیر کسی کارروائی کے ملتوی کردی۔ کیس کی سماعت سینئر سول جج قدرت اللہ نے اڈیالہ جیل راولپنڈی میں کی۔

بانی پی ٹی آئی عمران خان کے وکیل سلمان اکرم راجہ اورشکایت کنندہ کے وکیل راجارضوان عباسی عدالت پیش ہوئے۔ بشریٰ بی بی کے سابق خاوند خاور مانیکا اورنکاح خواں مفتی سعید بیان ریکارڈ کرانے کیلئےعدالت میں پیش ہوئے۔

سلمان اکرم راجہ نے عدالت کو اسلام آباد ہائیکورٹ کے گواہوں کے بیانات ریکارڈ نہ کرنے سے متعلق حکم امتناع سے آگاہ کیا جس پر عدالت نے کیس کی سماعت بغیر کسی کارروائی کے 29جنوری تک ملتوی کردی۔