پاکستان ایران کشید گی میں کمی لائی جائے ، سیکرٹری جنرل یواین او

اقوام متحدہ کے سیکرٹری جنرل انتونیو گوتریس نے پاکستان اور ایران کے درمیان موجودہ کشیدگی پر گہری تشویش ظاہر کرتے ہوئے دونوں ملکوں کو ملکی معاملات کو ٹھیک کرنے کا مشورہ دیا ہے انہوں نے کہا کہ کشیدگی کا خطرہ ہے کہ دونوں ممالک کے درمیان کشید گی بڑھ جائے گی انہوں نے کہا کہ وہ کشیدگی میں کمی لائیں اور اپنے تمام مسائل پُرامن طریقے سے حل کریں۔

انہوں نے ایک بیان میں دونوں ملکوں سے کہا کہ وہ کشیدگی مزید بڑھنے سے بچنے کیلئے زیادہ سے زیادہ ضبط و تحمل کا مظاہرہ کریں۔

انتونیو گوتریس نے اس بات پر زور دیا کہ دونوں ملکوں کے درمیان تمام سیکورٹی خدشات خودمختاری، علاقائی سالمیت اور اچھی ہمسائیگی پر مبنی تعلقات کے اصولوں کے مطابق پُرامن طریقوں سے حل کئے جانے چاہئیں۔

یاد رہے کہ گزشتہ دنوں ایران کی جانب سے پاکستان کی فضائی حدود کی خلاف ورزی کی گئی اور پاکستان پر میزائل سے حملہ کیا گیا  ایران کی جانب سے فائر کیئے جانے والے میزائل بلوچستان کے ایران سے متصل ضلع پنجگور میں سبزکوہ کے علاقے میں گرے ہیں جب کہ جس علاقے میں یہ میزائل گرے ہیں وہ آبادی والا علاقہ ہے۔