لاہور کے قومی و صوبائی اسمبلی کے امیدواروں کی لسٹ جاری

لاہور: عام انتخابات 2024 کے لیے لاہور سے قومی اور صوبائی اسمبلی کی 44 نشستوں پر امیدواروں کی حتمی فہرست جاری کر دی گئی۔

تفصیلات کے مطابق الیکشن کمیشن آف پاکستان (ای سی پی) نے الیکشن ٹربیونل کے فیصلوں کے خلاف لاہور ہائی کورٹ میں دائر درخواستوں کے فیصلوں کے بعد جمعہ کو فہرستیں جاری کر دیں جس کے مطابق 44 نشستوں پر 1079 امیدوار میدان میں اتریں گے ۔ 

جاری کردہ فہرستوں کے مطابق لاہور کی قومی اسمبلی کی 14 نشستوں پر 266 امیدوار میدان میں اتریں گے جب کہ صوبائی اسمبلی کی 30 نشستوں پر 813 امیدوار الیکشن لڑیں گے ۔

قومی اسمبلی کے حلقہ این اے 120 میں زیادہ سے زیادہ 27 اور این اے 118 میں کم سے کم 18 امیدوار میدان میں اتریں گے۔

صوبائی اسمبلی کی نشست PP-161 پر سب سے زیادہ 46 امیدوار ہیں اور صوبائی اسمبلی کی نشست PP-150 پر سب سے کم 13 امیدوار ہیں۔