پنجاب پولیس نے الیکشن سیکیورٹی کیلئے 1ارب 19 کروڑ کا فنڈ مانگ لیا

لاہور: پنجاب پولیس نے عام انتخابات 2024 کی سیکیورٹی پر اٹھنے والے اخراجات کے لیے صوبائی حکومت سے 1 ارب 19 کروڑ روپے مانگ لیے ہیں۔

تفصیلات کے مطابق پنجاب پولیس نے سیکیورٹی، پیٹرول، کھانے پینے کے اخراجات کے لیے فنڈز مانگ لیے ہیں۔ نئے سروے کے بعد پولنگ سٹیشنز کی سکیم بھی الیکشن کمیشن کو بھجوا دی گئی ہے۔

پولیس نے 5624 پولنگ اسٹیشنز کو انتہائی حساس اور 14072 کو حساس قرار دیا ہے۔ الیکشن کی نگرانی کے لیے انسپکٹر جنرل (آئی جی) کے دفتر میں کنٹرول رومز قائم کیے گئے ہیں۔ الیکشن کے روز 130,000 پولیس اہلکار ڈیوٹی سرانجام دیں گے۔