حکومت ملی تو غربت کو مٹا کر دم لیں گے ، بلاول بھٹو زرداری

پاکستان پیپلزپارٹی کے چیئرمین بلاول بھٹو زرداری نے کہا ہے کہ ان کی پارٹی اگر حکومت میں آتی ہے تو ملک بھر میں مفت تعلیم، سستی بجلی ، صحت کی بہترین سہولیات اور عام آدمی کو ریلیف دیاجائے گا ۔

آج (جمعہ) کو لیاقت پور میں عوامی جلسے سے خطاب کرتے ہوئے انہوں نے کہاکہ ملک کو ترقی کی شاہراہ پر گامزن کرنے کیلئے پیپلزپارٹی کے پاس معاشی لائحہ عمل موجود ہے۔

بلاول بھٹو زرداری نے کہا کہ ہم حکومت میں آکر غربت مٹانے کے لیے بینظیر انکم سپورٹ پروگرام کو  بڑھائیں گے، ملک  بھر میں مفت علاج کا نظام بنائیں گے، حکومت بنائی تو غریبوں کو 30 لاکھ گھر بنا کر دیں گے اور ہر بچےکی تعلیم تک  رسائی یقینی بنائیں گے۔