انتخابات کیلئے اہل ووٹرز کو پوسٹل بیلٹ پیپرز فراہم کرنے کا عمل شروع

الیکشن کمیشن نے عام انتخابات کیلئے اہل ووٹرز کو پوسٹل بیلٹ پیپرز فراہم کرنے کا عمل شروع کردیا ہے۔

الیکشن کمیشن کےعہدیدار نے  بتایا کہ پیر کو پوسٹل بیلٹ کیلئے درخواستیں پیر تک جمع کرائی جاسکتی ہیں ، پوسٹل بیلٹ پیپر کیلئے اہل ووٹرز الیکشن کمیشن کی ویب سائٹ سے پوسٹل بیلٹ پیپر کی درخواست ڈاؤن لوڈ کرسکتے ہیں۔

پوسٹل بیلٹ حاصل کرنے کے بعد ووٹرز کو اپنے متعلقہ ڈسٹرکٹ ریٹرننگ آفیسر کو مقررہ وقت کے اندر ووٹ بھیجنا ہوگا۔

انہوں نے کہا کہ پوسٹل بیلٹ پیپر حاصل کرنے والے افراد کو پولنگ سٹیشنوں پر ووٹ ڈالنے کا استحقاق نہیں ہوگا۔

پوسٹل بیلٹ کے اہل افراد کو اپنی درخواست ووٹرز دفتر سے منظور کرانی ہوگی تاکہ غیر مجاز افراد کو پوسٹل بیلٹ کیلئے درخواست دینے سے روکا جاسکے۔