مذہب قتل و غارت نہیں سکھاتا بلکہ محبت اور امن کا درس دیتا ہے ،وزیر برائے مذہبی امو

کراچی: نگراں وزیر برائے مذہبی امور اور بین المذاہب ہم آہنگی انیق احمد نے ہفتہ کو صبر، محبت اور بھائی چارے سے کام لینے کا مشورہ دیا ۔

کراچی میں سینٹ پیٹرک کیتھیڈرل میں ایک 'بین المذاہب ہم آہنگی کانفرنس' سے خطاب کرتے ہوئے، انہوں نے لوگوں کو ایک زندہ معاشرے کے لیے بھائی چارے کے پیغام کے ساتھ آگے آنے کا مشورہ دیا۔

نگراں وزیر انیق احمد نے کہا کہ کسی مذہب نے قتل و غارت نہیں سکھائی بلکہ محبت اور امن کا درس دیا۔

انہوں نے کہا کہ غیر مسلم بھائیوں نے مختلف شعبوں میں گراں قدر خدمات انجام دی ہیں اور ملک کی سماجی و اقتصادی ترقی میں نمایاں کردار ادا کیا ہے۔

انہوں نے بین المذاہب ہم آہنگی پر ورکشاپس اور تبادلہ پروگراموں کے انعقاد کے خیال کو سراہا۔