عام انتخابات کیلئے پوری طرح تیار ہیں ،آئی جی پنجاب

لاہور : انسپکٹر جنرل پنجاب پولیس ڈاکٹر عثمان انور نے کہا کہ عام انتخابات کیلئے پولیس پوری طرح تیار ہے ۔ 

انہوں نے کہا کہ 8 فروری کو الیکشن میں پورے پنجاب میں سیکیورٹی فراہم کریں گے ۔ 

انہوں نے کہ حالیہ انتخابات کیلئے پنجاب میں  1 لاکھ 30 ہزار کی پولیس  نفری لگائی جا رہی ہے ، انہوں نے کہا کہ الیکشن کمیشن کی جانب سے جاری کیے گئے ضابطہ اخلاق پر عمل درآمد کرائیں گے ۔ 

انہوں نے کہا کہ کسی کو بھی حکومتی معاملات میں دخل اندازی کرنے کی اجازت نہیں دیں گے ، ڈاکٹر عثمان انور نے کہا کہ ووٹ ڈالنا ہر شہری کو حق ہے ہر شہری اپنے ووٹ کا حق ادا کر نے میں آزاد ہے ۔ 

ڈاکٹر عثمان انور نے کہا پولیس کو انتخابات کیلئے ضابطہ اخلاق کی ٹریننگ دی جا رہی ہے ، انہوں نے کہا کہ پولیس کی جانب انتخابات میں امن کو یقینی بنایا جائے گا ۔