عام انتخابات کی کوریج کیلئے غیر ملکی میڈیا مدعو

حکومت نے ملک بھر میں 8 فروری 2024 کو ہونے والے عام انتخابات کی کوریج کے لیے غیر ملکی میڈیا کو اجازت نامے جاری کر دیے۔

ذرائع کے مطابق نگران حکومت کی طرف سے پہلے مرحلے میں 35 غیر ملکی صحافیوں کو الیکشن کی کیوریج کے لیے اجازت نامے جاری کیے گئے ہیں۔ جن ممالک سے تعلق رکھنے والے صحافیوں کو اجازت نامے جاری کیے گئے ہیں ان میں چین، جاپان، امریکا، برطانیہ، کینڈا، ہانگ کانگ اور سنگاپور شامل ہیں۔

ذرائع کا کہنا ہے کہ الیکشن کمشین غیر ملکی مبصرین کے ویزوں کے حصول کی تاریخ میں 3 بار توسیع کر چکا ہے، غیر ملکی مبصرین کی جانب سے درخواستیں جمع کروانے کی آخری تاریخ 20 جنوری تھی، الیکشن کمیشن نے 2 لاکھ ایکریڈیشن کارڈز چھاپے ہیں، ان کے علاوہ یورپی یونین،کامن ویلتھ ممالک کے وفود بھی عام انتخابات کا مشاہدہ کرنے کے لیے آئیں گے۔