سپرنٹنڈنٹ اڈیالہ جیل کی عمران خان سے بدتمیزی، بہن حلیمہ خان کا مبینہ الزام

بانی چیئرمین پی ٹی آئی عمران خان کی بہن علیمہ خان نے کہا ہے کہ عمران خان میڈیا سے اڈیالہ جیل میں بات کررہے تھے جب سپرنٹنڈنٹ اڈیالہ جیل نے ان سے بدتمیزی کی، پوچھنے پر سپرنٹنڈنٹ نے کہا کہ بانی چیئرمین نے مجھے تم کہہ کر مخاطب کیا۔

اڈیالہ جیل کے باہر میڈیا سے گفتگو کرتے ہوئےعلیمہ خانم کا کہنا تھا کہ عمران خان نے ہمیشہ جیل کےعملے سے اچھے انداز میں بات کرتے  ہیں، پولیس حکام بانی چیئرمین پی ٹی آئی کے ساتھ جیل میں بدتمیزی کرتے ہیں تو عام انسانوں کے ساتھ ان کا رویہ کیسا ہوگا۔

جیل سپرنٹنڈنٹ عمران خان کیساتھ بدتمیزی کررہے ہیں ہم اس بات پر احتجاج کرتے ہیں عمران خان تو سب کیساتھ اچھی طرح پیش آتے ہیں یہ رویہ کسی صورت برداشت نہیں کریں گے علیمہ خان pic.twitter.com/q0ZCK72sXz

— Zαყαɳ Iƙ (@Zyyan_Ali) January 22, 2024

علیمہ خان کا کہنا تھا کہ میرے پوچھنے پر سپرنٹنڈنٹ نے کہا کہ عمران خان نے مجھے تم کہہ کرمخاطب کیا، سابق چیئرمین پی ٹی آئی ہمیشہ اچھے انداز میں بات کرتے اور جیل میں رہے، حمزہ شہباز کی یہ ملازمت کرتے ہیں، جو انہیں چلتے چلتے دھیے دیتا ہے، اگر سابق وزیراعظم کے ساتھ جیل میں بدتمیزی کرتے ہیں تو عام انسانوں کے ساتھ ان کا رویہ کیسے ہوگا؟۔

انہوں نے مزید کہا کہ جج دلاور نے فیصلہ دیا تھا لیکن ہائیکورٹ نے معطل کردیا تھا، سپریم کورٹ میں 3 ہفتے سے درخواست لگی ہے، چیف جسٹس سے استدعا ہے آپ جلدی سے ہماری پٹیشن سن لیں تاکہ بانی چیئرمین الیکشن لڑ سکیں ہیں۔

علیمہ خان کا یہ بھی کہنا تھا کہ آپ سے اپیل کرتے ہیں عمران خان کے خلاف سزا معطلی کی درخواست سن لیں تاکہ سابق چیئرمین پی ٹی آئی کی نااہلی ختم ہوسکے اور الیکشن میں لڑیں، ہم چاہتے ہیں یہ اپیل سنی جائے اور پورا ملک اس سماعت کو دیکھے۔