نواز شریف نے پاکستان کی ترقی کیلئے انتھک محنت کی ،مریم نواز

مانسہرہ : مسلم لیگ ن کی چیف آرگنائزر مریم نواز نے مانسہرہ میں جلسے سے خطاب کرتے ہوئے کہا کہ روٹی کپڑا مکان ہر ایک پاکستانی کا حق ہے اوربچوں کو  اچھی تعلیم دلوانا ہماری ذمہ داری ہے ۔ 

انہوں نے نواز شریف کو مبارکباد دیتے ہوئے کہا کہ نواز شریف کو مبارک ہو انہوں نے مانسہرہ کی عوام کے دل جیت لیے ہیں ۔ 

انہوں نے کہا کہ مانسہرہ کی عوام نے 8 فروری کے بجائے آج ہی اپنا فیصلہ نواز شریف کے حق میں سنا دیا ہے ۔ 

انہوں نے کہا کہ میں محمد  نواز شریف کو مانسہرہ کی عوام سے دلی عقیدت ہے انہوں نے اگر الیکشن لڑنے کا فیصلہ دس سال بعد کیا تواس کی انتخابی مہم کا آغاز مانسہرہ سے کیا ۔ 

انہوں نے کہا کہ لوگوں نے مختلف علاقوں سے نواز شریف کو الیکشن لڑنے کا مشورہ دیا کسی نے کہا کہ بلوچستان سے لڑیں کسی نے کہا کہ کراچی سے لڑیں لیکن میاں محمد نواز شریف نے کہا پورا پاکستان میری جان کا ٹکڑا ہے لیکن الیکشن میں مانسہرہ سے ہی لڑوں گا ۔ 

انہوں نے کہا کہ میں محمد نواز شریف نے پاکستان کی ترقی کیلئے دن رات ایک کرکے کام کیا انہوں نے نہ دن دیکھا نہ رات بس پاکستان کی ترقی کیلئے کام کیا ۔