پاکستان کے ساتھ تعلقات کو بڑھانا چاہتے ہیں،ایرانی وزیر خارجہ

پاکستان اور ایران نے باہمی اتفاق کیا ہے کہ دونوں ممالک کے سفیروں کو  جمعہ تک اپنے اپنے عہدوں پر واپس بلا لیا جائے گا ۔

 پاکستان اور ایران کے وزرائے خارجہ کے درمیان ٹیلی فونک گفتگو ہوئی جس میں دونوں ممالک کے وزرائے خارجہ نے باہمی اتفاق کیا اور دونوں ملکوں کے درمیان کشید گی کو ختم کرنے کا عندیہ بھی دیا ۔ 

ایرانی وزیر خارجہ کی جانب سے پاکستان کے اس اقدام کو خوب سراہا ، انہوں نے کہا کہ پاکستان کے ساتھ تعلقات کو بڑھانا چاہتے ہیں ۔ 

انہوں نے مزید کہا کہ امید ہے کہ پاکستان اور ایران کے درمیان تعلقات بہتر ہونے سے دونوں ملکوں میں معاشی استحکام آئے گا ۔ 

وزیر خارجہ جلیل عباس جیلانی کی دعوت پر ان کے ایرانی ہم منصب حسین امیر عبداللہ 29 جنوری کو پاکستان کا دورہ کریں گے۔