شہبازشریف کے پوسٹر پھاڑنے والے ملزم کیخلاف مقدمہ درج

کوٹ رادھا کرشن میں مسلم لیگ (ن) کے صدر شہباز شریف کے پوسٹر کو پھاڑنے اور نازیبا زبان استعمال کرنے والے ملزم کے خلاف نقدمہ درج کرلیا گیا، مقدمہ جنرل سیکرٹری یوتھ ونگ ن لیگ فروز الدین کی مدعیت میں درج کیا گیا۔

سابق وزیراعظم شہباز شریف کے پوسٹر کو پھاڑنے والے ملزم کے خلاف مقدمہ مسلم لیگ (ن) یوتھ ونگ کے جنرل سیکرٹری کوٹ رادھا کیشن فیروز الدین نے پولیس تھانہ کوٹ رادھا کیشن میں درج کروایا۔

شہبازشریف کے پینا فلیکسز پھاڑنے والے ملزم کیخلاف مقدمہ درج!!!#BreakingNews #GNN #GNN_Updates pic.twitter.com/5TQ7wRjBc0

— GNN (@gnnhdofficial) January 24, 2024

مقدمے کے متن میں کہا گیا کہ حلقہ این اے 132 قصور 2 میں امجد عرف بھوری نامی نوجوان نے شہباز شریف کا پوسٹر پھاڑ دیا اوران کے خلاف نازیبا گفتگو کی اور وڈیو وائرل کردی۔ پولیس مقدمہ درج کرکے ملزم امجد عرف بھوری کی گرفتار ی کے لیے چھاپے مار رہی ہے۔

ملزم شہباز شریف کے پوسٹر پر ڈنڈے برسا رہا تھا، ملزم احمد امجد کی شہباز شریف کے پوسٹر کو پھاڑنے کے بعد نازیبا زبان استعمال کرنے کی ویڈیو سوشل میڈیا پر وائرل ہوئی تھی۔

یاد رہے کہ سابق وزیراعظم شہباز شریف این اے 132 کوٹ رادھا کشن سے الیکشن لڑ رہے ہیں۔