شمالی وزیرستان میں سکیورٹی فورسز کی کارروائی ، دہشتگرد مار گرایا

وزیرستان: شمالی وزیرستان میں سیکیورٹی فورسز کی جانب سے انٹیلی جنس بیسڈ آپریشن (IBO) کے دوران فائرنگ کے تبادلے میں دہشت گرد نائیک من اللہ مارا گیا۔

انٹر سروسز پبلک ریلیشنز (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر آپریشن کیا، اس دوران فائرنگ کے تبادلے میں دہشت گرد نائیک من اللہ مارا گیا۔

آئی ایس پی آر کا کہنا ہے کہ مارے گئے دہشت گرد سے اسلحہ، گولہ بارود اور دھماکہ خیز مواد برآمد ہوا ہے۔

آئی ایس پی آر کے مطابق ہلاک دہشت گرد دہشت گردی کی متعدد وارداتوں اور شہریوں کی ٹارگٹ کلنگ میں ملوث تھا۔

آئی ایس پی آر نے مزید کہا کہ علاقے میں ممکنہ دہشت گردوں کے خاتمے کے لیے کلیئرنس آپریشن جاری ہے۔ سیکیورٹی فورسز ملک سے دہشت گردی کے خاتمے کے لیے پرعزم ہیں۔