الیکشن کمیشن کا خیبرپختونخوا اور بلوچستان میں امن کی صورتحال پر اجلاس طلب

الیکشن کمیشن نے خیبرپختونخوا اور بلوچستان میں امن وامان کی صورتحال پرغورکیلئے کل اجلاس طلب کیا ہے۔

نگران وزیر داخلہ ،سیکرٹری داخلہ،دونوں صوبوں کے چیف سیکرٹریوں اور انسپکٹر جنرلز کے علاوہ خفیہ اداروں کے نمائندوں کو اجلاس میں شرکت کی دعوت دی گئی ہے۔

یاد  رہے کہ صوبہ بلوچستان کے علاقے سبی میں گزشتہ کچھ عرصے سے دہشت گردی کی کارروائیاں جاری ہیں اور گزشتہ روز تحریک انصاف کی ریلی کے دوران دھماکے میں 4 افراد جاں بحق اور پانچ زخمی ہو گئے تھے۔