پنجاب حکومت نے الیکشن کی نگرانی کیلئے تیس ہزار کمیرے خریدنے کی منظوری دے دی

پنجاب کابینہ نے الیکشن کمیشن کی ہدایات کے مطابق انتخابات کی نگرانی کےلئے بتیس ہزار کیمرے خریدنے کےلئے فنڈز کی منظوری دے دی ہے۔

 یہ منظوری آج لاہور میں پنجاب کے نگران وزیر اعلیٰ محسن نقوی کے زیر صدارت کابینہ کے اجلاس میں دی گئی۔

کابینہ نے پنجاب کے مختلف اضلاع میں سمارٹ پولیس سٹیشن کی تعمیر کے لئے زمین کی منتقلی کی بھی منظوری دی۔

 اجلاس میں صحت سہولت پروگرام کے تحت ٹرسٹ ہسپتالوں کےلئے ایک نئے امدادی فارمولے اور پنجاب ڈرگ رولز 2007 میں ترامیم کی بھی منظوری دی گئی۔