کوہلو: الیکشن کے دن دھماکہ، آزاد امیدوار کے بھائی زخمی

کوہلو: بلوچستان کے ضلع کوہلو میں دھماکے کے نتیجے میں 3 افراد زخمی ہوگئے۔

لیویز حکام کے مطابق بلوچستان کے علاقے ماوند کے علاقے مخمر میں گاڑی بارودی سرنگ سے ٹکرا گئی جس کے نتیجے میں 3 افراد زخمی ہوگئے۔

حکام کا کہنا ہے کہ دھماکے کے نتیجے میں زخمی ہونے والوں میں صوبائی حلقہ پی بی 09 کے آزاد امیدوار میر لیاقت مری کے بھائی میر مصطفیٰ مری بھی شامل ہیں۔

حکام کا مزید کہنا تھا کہ زخمیوں کو طبی امداد کے لیے اسپتال منتقل کردیا گیا ہے جب کہ سیکیورٹی فورسز نے سرچ آپریشن شروع کردیا ہے۔