اقوام متحدہ جنرل اسمبلی کےصدر آج سے پاکستان کا3 روزہ سرکاری دورہ کررہے ہیں

تفصیلات کے مطابق ترجمان دفترخارجہ کی جانب سے جاری بیان کے مطابق  اقوام متحدہ جنرل اسمبلی کے صدر وولکن بوزکر آج 3روزہ دورےپرپاکستان پہنچیں گے، وولکن بوزکر28مئی تک پاکستان میں قیام کریں گے ۔وہ وزیرخارجہ شاہ محمودقریشی کی دعوت پر پاکستان کا دورہ کررہے ہیں ۔ اپنے قیام کے دوران وزیرخارجہ اور پاکستانی قیادت سے تفصیلی بات چیت کرینگے ۔بات چیت میں اقوام متحدہ کے ایجنڈے پرانتہائی وسعت کے حامل سیاسی اور اقتصادی مسائل پر گفتگو کی جائے گی ۔بوزکر(Bozakir)کثیرجہتی اہمیت کے امور پربھی تبادلہ خیال کریں گے ۔

خیال رہے  کہ انہوں نے اقوام متحدہ کی جنرل اسمبلی کے صدر کا عہدہ سنبھالنے سے قبل گزشتہ سال اگست میں بھی پاکستان کا دورہ کیاتھا ۔

واضح رہے وولکن بوزکر گزشتہ ماہ اقوام متحدہ کی جنرل اسمبلی کے 75ویں سیشن میں صدر منتخب ہوئے تھے۔