پاکستان کی جانب سے 38 ممالک پر سفری پابندیوں پر عملدرآمد آج سے شروع

تفصیلات کے مطابق سی اے اے کے ڈائریکٹر ایئرٹرانسپورٹ عرفان صابر کی جانب سے جاری کیے گئے نوٹیفکیشن 15 ممالک کے اضافے سے کیٹیگری سی میں شامل کیا گیا ہے ۔   کیٹیگری سی ممالک میں موجود پاکستانیوں کی واپسی کے پیش نظرعملدرآمد 26 مئی تک موخر کیا گیا تھا ۔ کیٹیگری سی میں شامل 38 ممالک کے مسافروں کی آمد کو این سی او سی کی اجازت سے مشروط کیا گیا ہے ، پابندی والے ممالک میں بھارت، جنوبی افریقہ، ایران، عراق، بنگلہ دیش شامل  ہیں جبکہ  برازیل، زمبابوے سمیت براعظم ایشیا، یورپ اور لاطینی امریکہ کے ممالک پر بھی سفری پابندی  عائد کی گئی ہے ۔ کیٹیگری سی ممالک کی ترمیمی فہرست پرعمل درآمد تاحکم ثانی جاری رہے گا ۔

دیگر ممالک سے پاکستان آنیوالے تمام مسافروں کا 72گھنٹے قبل کورونا ٹیسٹ لازمی قراردیا گیاہے جبکہ  پاکستان کے تمام بین الاقوامی ایئرپورٹس پر تمام مسافروں کا ریپڈ اینٹیجن ٹیسٹ ہوگا۔ ریپڈ اینٹیجن ٹیسٹ کی رپورٹ 20منٹ کے اندر اندر حاصل ہوگی  ، کورونا مثبت ہونے پر مسافر کے لئے ذاتی یا سرکاری خرچ پر 8 روزہ قرنطینہ لازمی ہوگا۔