اسٹاک ایکسچینج میں ریکارڈ تاریخی ٹریڈنگ

تفصیلات کے مطابق اسٹاک ایکسچینج میں ریکارڈ تاریخی ٹریڈنگ ہوئی ہے، پاکستان اسٹاک ایکسچینج کی تاریخ میں کسی ایک دن میں کاروبار کا یہ سب سے بڑا حجم ہے۔اس سے پہلے 11 فروری 2021 کو سب سے زیادہ ایک ارب 125 کروڑ  حصص کا کاروبار ہوا تھا۔سب سے زیادہ کاروبار ورلڈ کال ٹیلی کام لیمیٹڈ  کے 707 ملین شئیرز کا ہوا ہے۔

جی این این کے مطابق اسٹاک ایکسچینج میں چھوٹی مالیت کے شیئرز میں 49 فیصد ٹریڈنگ ہوئی ہے، اسٹاک ایکسچینج کی تاریخ میں ایک دن  84 فیصد شیرز کی ٹریڈنگ ہو ئی ہے۔

پاکستان اسٹاک ایکسچینج میں کاروبار کا اختتام،  کاروباری ہفتے کے تیسرے روز تیزی کا رجحان رہا ہے،انڈیکس میں اختتام پر 511 پوائنٹس کا اضافہ ہوا ہے جبکہ انڈیکس 46 ہزار 812 پوائنٹس کی سطح پر بند ہوا۔

بازار میں آج ریکارڈ 1 ارب 56 کروڑ 33 لاکھ سے زائد شیئرز کے سودے ہوئے  ہیں ۔ کاروبار کئے گئے شیئرز کی مالیت  28 ارب 33 کروڑ سے زائد رہی  ہے۔