سعودی عرب نے اسرائیلی پرواز کو فضائی حدود استعمال کرنے سے روک دیا

غیر ملکی خبر رساں ادارے کے مطابق ایئرلائن کمپنی کا کہنا ہے  کہ  اسرائیلی  ائیرلائن کی فلائٹ661 نے مقامی وقت کے مطابق صبح6 بجے دبئی کیلئے روانہ ہونا تھا  لیکن  سعودی حکام نے اپنی  فضائی حدود استعمال کرنے  کی روک دیا۔

ایئرلائن کمپنی کی ترجمان نے کہا  ہے کہ سعودی عرب نے انہیں اپنی فضائی حدود سے گزرنے کی اجازت نہیں دی اور اس کی وجہ بھی فی الحال سامنے نہیں آئی ہے۔

خیال رہے کہ گزشتہ برس سعودی عرب نے متحدہ عرب امارات جانے کیلئے  اسرائیل کو اپنی فضائی حدود استعمال کرنے کی اجازت دی تھی۔

پچھلے سال متحدہ عرب امارات، بحرین سوڈان اوراسرائیل کے درمیان براہ راست پروازیں شروع ہوگیئں تھیں۔

 واضح رہے کہ سعودی عرب  نے ابھی تک اسرائیل کے ساتھ تعلقات کو معمول پر لانے کیلئے باضابطہ طور پر اتفاق نہیں کیا ہے تاہم اس نے متحدہ عرب امارات، سوڈان اور بحرین کی اسرائیل کے ساتھ اچھے تعلقات کی مخالفت بھی نہیں کی ہے۔