جماعت اسلامی کا پی ٹی آئی کے ساتھ حکومت سازی میں تعاون سے انکار

جماعت اسلامی نے پاکستان تحریک انصاف کے ساتھ حکومت سازی میں تعاون سے انکار کر دیا۔

ترجمان جماعت اسلامی قیصر شریف کے مطابق جماعت اسلامی کی پی ٹی آئی سے اتحاد کے حوالے سے ابتدائی مشاورت مکمل ہوگئی۔ جماعت اسلامی نے طے کیا تھا کہ قومی سطح پر تحریک انصاف سے اشتراک عمل قومی مفاد میں ہوگا لیکن تحریک انصاف نے اپنے مؤقف کو تبدیل کیا ہے۔

ترجمان نے کہا کہ پی ٹی آئی خیبر پختونخوا میں بھی جس سے چاہیں اپنے معاملات طے کر لیں جماعت اسلامی کو خوشی ہوگی۔

نائب امیر جماعت اسلامی لیاقت بلوچ نے کہا کہ پی ٹی آئی نے وفاقی سطح پر کسی اور جماعت کے ساتھ اتحار کیا،صرف خیبر پختونخوا میں اتحاد کا کوئی جواز نہیں۔ پی ٹی آئی کے اتحاد کی بات چیت وفاقی اور صوبائی دونوں حکومتوں سے متعلق تھی۔