حکومت حج عازمین کی سہولت کیلئے اقدامات کر رہی ہے ،وزیر مذہبی امور

مذہبی امور اور بین المذاہب ہم آہنگی کے نگران وزیر انیق احمد نے کہا ہے کہ ان کی وزارت عازمین حج کو زیادہ سے زیادہ سہولتیں فراہم کرنے کےلئے ٹھوس اقدامات کررہی ہے۔

 آج لاہور میں عازمین حج کی تربیتی ورکشاپ سے خطاب کرتے ہوئے انہوں نے عوام پر زور دیا کہ وہ مناسک حج ادا کرتے وقت ذمہ داری کا مظاہرہ کریں ،  انہوں نے کہا کہ ملک بھر میں عازمین حج کی تربیت کے لئے تربیتی ورکشاپس کا انعقاد کیا جارہا ہے۔

نگران مذہبی امور  انیق احمد نے کہا کہ عازمین حج پاکستان کے نمائندے ہیں اور انہیں میدان عرفات میں کی جانے والی دعاؤں میں اپنے ملک کو بھی یاد رکھنا چاہئے۔