بجلی صارفین پر مزید بوجھ ڈالنے کی تیاریاں

اسلام آباد: حکومت نے بجلی صارفین پر 81 ارب 50 کروڑ روپے کا مزید بوجھ ڈالنے کی تیاریاں شروع کر دیں۔

تفصیلات کے مطابق اکتوبر تا دسمبر 2023 کی سہہ ماہی ایڈجسٹمنٹ کی درخواست نیپرا میں جمع کروا دی گئی ہے، بجلی تقسیم کار کمپنیوں نے بجلی کی قیمتوں میں اضافے کی درخواست دائر کردی ہے ، نیپرا اتھارٹی سہی ماہی ایڈجسٹمنٹ کی درخواست پر آج سماعت کرے گی، حکومتی گائیڈ لائنز کے مطابق سہہ ماہی ایڈجسٹمنٹ کا اطلاق کے الیکٹرک صارفین پر بھی ہوگا۔

کیپسٹی چارجز کی مد میں 75 ارب 14 کروڑ روپے وصولی کی درخواست دی گئی ہے جبکہ نقصانات کی مد میں 10 ارب 82 کروڑ روپے وصول کرنے کی درخواست کی گئی ہے۔