وزیر اعظم کا مصر کے صدر سے ٹیلیفونک رابطہ

تفصیلات کے مطابق  وزیراعظم عمران خان کا مصر کے صدر عبد الفتح السیسی سے ٹیلیفونک رابطہ ہوا ہے، دونوں رہنماؤں میں فلسطین کی صورتحال پر تبادلہ خیال کیا گیا۔وزیراعظم نے فلسطین کے مسئلے میں کردار ادا کرنے پر مصر کی قیادت کی کوششوں کو سراہا، وزیراعظم عمران خان نے فلسطینیوں کیخلاف اسرائیلی جارحیت کی بھر پور مذمت کی۔

وزیر اعظم عمران خان نے کہا کہ مسجد اقصی پر ماہ مقدس میں ہونے والے واقعات  افسوسناک ہیں ۔وزیر اعظم نے فلسطین کے تنازع کے جلد اور فوری حل پر زور دیا۔

جی این این کے مطابق   مصری صدر نے وزیراعظم عمران خان کو دورہ مصر  کی دعوت دی۔وزیراعظم عمران خان نے بھی مصری صدر کو دورہ پاکستان کی دعوت دی۔