عوام دشمن بجٹ منظور نہیں ہونے دیں گے: شہباز شریف

تفصیلات کے مطابق حکومت کی جانب سے بجٹ کی تیاریاں ، اپوزیشن  نے  بجٹ میں حکومت کو  ٹف ٹائم دینے  کا فیصلہ کر لیا ۔ اپوزیشن لیڈرشہباز شریف    نے بجٹ سیشن سے متعلق ن لیگ  اکنامک ایڈوائزری کونسل کو اہم ہدایات جاری کردیں ۔   شہباز شریف  کاکہنا تھا  کہ عوامی مفادات کے منافی بجٹ سازی کی مزاحمت کریں گے۔انہوں نے ہدایت کی  کہ پری بجٹ سیمینارکیا جائے تاکہ عوام کو معیشت کی حقیقی صورتحال  کا پتہ  چل سکے، معاشی ماہرین پری بجٹ سیمینار میں معیشت کی حقیقت قوم کو بتائیں گے۔

 مسلم لیگ ن صدر شہباز شریف نے  مزید کہاکہ عوام کو یہ بتانا ضروری ہےکہ معاشی حقائق میں ہیرا پھیری اور جعلسازی کی جارہی ہے ،  گندم کے غلط اعدادوشمار کی وجہ سے پہلے بھی ملک کو اربوں روپے کا نقصان ہوا،ایک بار پھر ملک کے ساتھ یہ واردات دہرائی جا رہی ہے۔ ان کاکہنا تھا کہ حکومتی معاشی ہیرا پھیریوں کی قیمت عوام مہنگائی  کی صورت میں ہر روز ادا کر رہے ہیں ۔