ڈی آئی خان میں سکیورٹی فورسز کا آپریشن، ایک دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے ڈیرہ اسماعیل خان میں انٹیلی جنس بیسڈ آپریشن کیا اور فائرنگ کے تبادلے میں ایک دہشت گرد محمد سہیل مارا گیا۔

ترجمان پاک فوج کے مطابق ہلاک دہشت گرد قانون نافذ کرنے والے اداروں پر حملوں اور شہریوں کے قتل میں ملوث تھا۔دہشت گردوں کی مبینہ موجودگی پرعلاقے میں کلیئرنس آپریشن کیا گیا۔

مقامی آبادی کی طرف سے دہشت گردوں کے خلاف کارروائی کا خیر مقدم کیا گیا۔ مقامی آبادی نے سکیورٹی فورسز کو دہشت گردی کی لعنت کے خلاف مکمل تعاون کی یقین دہانی کروائی ہے۔