سعودی حکومت نے ابھی تک کسی ملک کو حج 2021 کو کوٹہ جاری نہیں کیا ، ترجمان مذہبی امور

تفصیلات کے مطابق  ترجمان مذہبی امور کا کہنا ہےکہ  حج کوٹہ ملنے پر وزارت مذہبی امور حج پالیسی 2021 کا اعلان کرے گی، عوام الناس حج سے متعلق وزارت کے حتمی اعلان سے قبل حج بکنگ نہ کروائیں،وزارت کے اعلان سے قبل کسی بھی شخص یا کمپنی کی جانب سے حج بکنگ غیر قانونی تصور ہو گی۔

ترجمان مذہبی امور کا مزید کہنا تھا کہ  بعض دھوکے باز عناصر حج بکنگ کا جھانسا دے کر عوام الناس  کو مالی نقصان پہنچا سکتے ہیں، ایسے کسی بھی عمل کی اطلاع ملنے پر  تادیبی کارروائی عمل میں لائی جائے گی اور  عوام الناس دھوکے باز عناصر سے باخبر رہیں اور حج سے متعلق وزارت کے حتمی اعلان کا انتظار کریں۔