پاکستان اسٹاک مارکیٹ ایک کے بعد ایک ریکارڈتوڑنے لگی

تفصیلات کے مطابق  پاکستان اسٹاک مارکیٹ میں لگاتار دوسرے روزحصص کا ریکارڈ کاروبار ہوا ہے۔آج 42 ارب 60 کروڑ 82 لاکھ سے زائد مالیت کے  2 ارب 21 کروڑ 39 لاکھ سے زائد حصص کے سودے ہوئے۔ گذشتہ روز بھی 28 ارب 33 کروڑ سے زائد مالیت کے 1 ارب56 کروڑ 33 لاکھ سے زائد حصص کے سودے ہوئے تھے، جوکہ 11 فروری 2021 کے بعد ہونےوالا سب سے بڑا کاروبار تھا۔

آج پاکستان اسٹاک ایکسچینج  میں سرمایہ کاروں کیجانب سے ملا جلا رجحان دیکھا گیا،  جبکہ اختتام پر ہنڈریڈ انڈیکس 21 پوائنٹس کمی سے46 ہزار 790 کی سطح پر بند ہوا ہے۔

دوسری جانب  انٹربینک میں ڈالر کی قدر 6 پیسے اضافے کے بعد 154 روپے 84 پیسے ہوگئی۔ دوسری جانب فی تولہ سونا 950 روپے کمی سے 1 لاکھ 11 ہزار 800 روپے   اور فی 10 گرام سونا 815 روپے کمی سے 95 ہزار 850 روپے کا ہوگیا ہے۔