فیصل ایدھی کی وزیر خارجہ شاہ محمود قریشی سے ملاقات

تفصیلات کے مطاق  ایدھی فاؤنڈیشن کے سربراہ فیصل ایدھی کی وزارتِ خارجہ میں وزیر خارجہ مخدوم شاہ محمود قریشی سے ملاقات  ہوئی ہے۔فیصل ایدھی  نے نہتے فلسطینیوں پر جاری مظالم رکوانے کیلئے، سرانجام دئیے گئے امن سفارتی مشن کی کامیابی پر وزیر خارجہ کو مبارکباد دی۔

وزیر خارجہ شاہ محمود قریشی نے کہا کہ  مسئلہ فلسطین  کے مستقل بنیادوں پر حل تک مشرق وسطیٰ میں دیرپا امن کا خواب کبھی پورا نہیں ہو سکتا، سیز فائر کے بعد مظلوم فلسطینیوں کی بحالی کیلئے ادویات و دیگر امدادی سامان جلد بھجوانے کے خواہشمند ہیں، ایدھی فاؤنڈیشن، کی مسکین اور مظلوم افراد کی بے لوث مدد اور انسانیت کیلیے گرانقدرخدمات قابلِ ستائش ہیں ۔