عام افراد کے شناختی کارڈ پر غیر ملکیوں کو پاسپورٹ جاری کرنے کا انکشاف

تفصیلات کے مطابق فیڈرل انویسٹی گیشن ایجنسی  (ایف آئی اے )  نے پاسپورٹ آفس پشاور کے پانچ اہلکاروں کو گرفتار کر لیا ہے۔ ایف آئی اے نے ایک ایجنٹ کو بھی گرفتار کیا۔

ایف آئی اے کا کہنا ہے کہ  ملزمان کی گرفتاری اسسٹنٹ ڈائریکٹرامجد علی کی سربراہی میں ٹیم نے انکوائری مکمل کرنے کے بعد کی، ملزمان نے بھاری رقم لے کر پاکستانیوں کی شناختی کارڈ پر بے شمار جعلی پاسپورٹ جاری کئے۔

ایف آئی اے کے مطابق   کئی غیر ملکی جعلی پاسپورٹ کے ذریعے ملک سے باہر سفر کر چکے ہیں، گرفتار ملزمان کو کل عدالت کے سامنے پیش کیا جائے گا۔