فیس بک پر جعلی خبریں شیئر کرنے والے ہوشیار

فیس بک سماجی رابطے کی  سب سے بڑی   سائٹ فیس بک سے ہر قسم کی معلومات تک باآسانی رسائی حاصل  کی جاسکتی ہے، وہیں جعلی خبروں کے باعث  بہت سے لوگ مشکلات  کا شکار بھی ہوجاتے ہیں۔ اس حوالے سے فیس بک کچھ نئی  پالیسیاں  بنا رہاہے جس کی تفصیل  پریس ریلیز کے ذریعےجاری کی گئی ہے۔

کمپنی کی جانب سے جاری کردہ  پریس ریلیز کے مطابق مسلسل غلط خبریں شیئر کرنے والے اکاؤنٹ کے خلاف سخت کارروائی  کی جائے گی۔

پریس ریلیز میں کہا گیا ہے کہ کچھ لوگ صارفین کے اکاؤنٹس کی نگرانی کریں گے اور اگر کوئی بھی صارف کسی بھی حوالے سے غلط خبر شیئر کرتا ہے چاہے وہ ویکسین سے متعلق ہو یا کورونا وبا یا کوئی بھی دیگرخبرتواس کی خبر نیوز فیڈ میں سب سے نیچے چلی جائے گی اور اسے ہر قسم کی شیئرنگ سے روک دیا جائے گا۔

اسکے علاوہ سائٹ پر نوٹیفکیشن کے عمل کو دوبارہ تخلیق کیا جار ہا ہے  جس کے بعد نوٹیفکیشن کے ذریعے صارفین یہ جانچ سکیں گے کہ خبر درست ہے یا نہیں۔

خیال رہے کہ یہ پالیسی انفرادی اکاؤنٹس کے ساتھ ساتھ فیس بک پیجز پر بھی لاگو ہوگی۔