امریکی ریاست کیلیفورنیا میں شہریوں کو شدید مشکلات ،ایمرجنسی نافذ

امریکا: کیلیفورنیا میں شدید برف باری کے باعث ایمر جنسی نافذ کر دی گئی ہے۔

بین الاقوامی ذرائع ابلاغ کے مطابق امریکی ریاست کیلیفورنیا میں جاری برفانی طوفان کے باعث معمولات زندگی شدید متاثر ہیں ، جس کے باعث کیلیفورنیا کے گورنر گیون نیوسم نے ریاست میں ایمرجنسی نافذ کردی۔

شمالی کیلیفورنیا کے علاقوں میں خراب موسم کی یہ لہر 8 تا10 روز مزید جاری رہے گی، ایریزونا میں جاری شدید برف باری کا رخ اب شمالی ٹیکساس کی طرف ہو جائے گا۔

کیلیفورنیا میں اب تک ڈیڑھ میٹر سے زیادہ زمین پر برف پڑ چکی ہے جبکہ کیلیفورنیا کی ریاست  بھر میں خراب موسم کے باعث بجلی کی فراہمی بھی تعطل کا شکار ہے جس کی وجہ سے 74 ہزار سے زائد رہائشوں کو پریشانیوں کا سامنا ہے۔