سندھ کی سینیٹ سیٹوں پر پیپلز پارٹی کے 4 رہنماؤں کے کاغذات نامزدگی جمع

کراچی : سندھ سے خالی ہونے والی 2 سینیٹ کی نشستوں پر پاکستان پیپلز پارٹی کے 4 رہنماؤں نے کاغذات نامزدگی جمع کرادیے۔

عام انتخابات میں پیپلز پارٹی کے دو سینیٹر نثار احمد کھوڑو اور جام مہتاب ڈہر رکنِ سندھ اسمبلی منتخب ہوئے، جس سے سینیٹ میں دو نشستیں خالی ہوئیں۔

سینیٹ کی خالی نشستوں کے لیے کاغذات جمع کروانے والوں میں اسلم ابڑو، جام سیف اللّٰہ دھاریجو، وقار مہدی اور عاجز دھامراہ شامل ہیں، تاہم وزیر اعلیٰ سندھ مراد علی شاہ اور اراکینِ سندھ اسمبلی کے ہمراہ امیدواروں کے ساتھ کاغذات نامزدگی جمع کرانے گئے۔

الیکشن شیڈول کے مطابق آج سہہ 4:30 تک کاغذاتِ نامزدگی جمع کروائے جا سکتے ہیں جبکہ 5 مارچ تک کاغذات کی اسکروٹنی اور 7 مارچ تک اپیلیں فائل کی جاسکیں گی۔