ہمیں درس دینے والے اپنے گریبانوں میں جھانکیں، بیرسٹر گوہر

پاکستان تحریک انصاف کے نو منتخب چیئرمین بیرسٹر گوہر نے کہا ہے کہ  جب ہماری عورتیں جیل میں گئیں کیا جمہوریت کا درس دینے والوں نے ایک لفظ بھی بولا؟ ان کو جمہوریت راس ہی نہیں آئی، ہمیں درس دینے والے اپنے گریبانوں میں جھانکیں۔ آج دو بڑے ہمی جمہوریت کا درس دے رہے ہیں۔ہمارے کاغذات نامزدگی چھینے گئے، ہمارے لوگوں کو پابند سلاسل کیا گیا،جمہوریت کا درس دینے والوں نے کچھ بولا؟

قومی اسمبلی اجلاس سے خطاب کرتے ہوئے بیرسٹر گوہر نے کہا کہ کیا پیپلز پارٹی میں زرداری کے علاوہ کوئی صدارت کے لائق نہیں ہے؟جمہوریت ایسے نہیں چلتی، عوام کو ان سے کوئی توقع نہیں،عمران خان کا کوئی بھانجا بھتیجا اس وقت یہاں نہیں بیٹھا۔اس مرتبہ ایم کیو ایم نے بھی اصولوں کی سودا بازی کی۔ پی ڈی ایم ون کی جب حکومت آئی تو کیا انہوں نے نیب قوانین تبدیل کراکے پچاس ارب روپے کے کیسز معاف نہیں کرائے ۔

بیرسٹر گوہر نے کہا کہ  یہ مفادات کے لیےاور پاور شئرنگ پر اکٹھے ہوتے ہیں عمران خان نیازی عوامی سیاست پر یقین رکھتا ہے پاور شئرنگ پر نہیں یہ عمران خان ہے جس جن موروثی سیاست کو ختم کیا آج پی ٹی آئی کا ایک ورکر بطور چیئرمین آپ کے سامنے کھڑا ہے۔

نو منتخب چیئرمین پی ٹی آئی  نے کہا کہ  عمران خان نے موروثی سیاست کو ختم کیا، میرے جیسا کارکن چیئرمین تحریک انصاف بنا، انہوں نے ایک ڈائننگ ٹیبل پر بیٹھنے والوں میں عہدے تقسیم کیے، کیا پیپلز پارٹی میں زرداری کے علاوہ کوئی اور صدارت کا اہل نہیں، یہ جمہوریت نہیں ہے

بیرسٹر گوہر نے مزید کہاکہ یہ لوگ ملک کو بحرانوں سے نہ نکال سکے،ہم چاہتے ہیں ہماری بات لوگوں تک پہنچے،پارلیمنٹ کی کارروائی میں بلیک آؤٹ بھی ہوتا ہے ، ہماری تقریر کو میوٹ کیا جاتا ہے۔