پاکستان اورمشرقی ایشیا ئی ممالک کے درمیان تجارتی خسارے کمی ریکارڈ

پاکستان اورمشرقی ایشیا کے ممالک کے درمیان تجارتی خسارہ میں جاری مالی سال کے دوران کمی ریکارڈکی گئی ہے، مالی سال کے پہلے 7 ماہ میں مشرقی ایشیا کے ممالک کوپاکستانی برآمدات میں 30.49 فیصدکااضافہ ریکارڈ کیا گیا ہے۔

اسٹیٹ بینک آف پاکستان کی جانب سے اس حوالہ سے جاری کردہ اعدادوشمارکے مطابق جاری مالی سال کے پہلے 7 ماہ میں چین، جاپان، جنوبی کوریا اور مشرقی ایشیاءکے دیگر ممالک کوپاکستانی برآمدات کاحجم 2.145 ارب ڈالر ریکارڈ کیا گیا جوگزشتہ مالی سال کی اسی مدت کے مقابلہ میں 30.49 فیصد زیادہ ہے۔

گزشتہ مالی سال کی اسی مدت میں مشرقی ایشیاء کے ممالک کو برآمدات سے ملک کو 1.64 ارب ڈالر کا زرمبادلہ حاصل ہوا تھا، جنوری میں مشرقی ایشیاء کے ممالک کو پاکستانی برآمدات کاحجم 307.82 ملین ڈالر ریکارڈ کیا گیا جو دسمبر میں 308.96 ملین ڈالراورگزشتہ سال جنوری میں 200.66 ملین ڈالرتھا، مالی سال 2023 میں مشرقی ایشیاکے ممالک کو برآمدات سے ملک کومجموعی طورپر 2.74 ارب ڈالر کا زرمبادلہ حاصل ہواتھا۔

اسٹیٹ بینک کے مطابق جاری مالی سال کے پہلے 7ماہ میں مشرقی ایشیاء  کے ممالک سے درآمدات پر8.48 ارب ڈالرکا زرمبادلہ خرچ ہواجوگزشتہ مالی سال کی اسی مدت کے مقابلہ میں 8.78 فیصد زیادہ ہے، گزشتہ مالی سال کی اسی مدت میں مشرقی ایشیا کے ممالک سے درآمدات کاحجم 7.79 ارب ڈالر ریکارڈ کیا گیاتھا

اعدادوشمارکے مطابق جنوری میں مشرقی ایشیاء کے ممالک سے درآمدات پر1.38 ارب ڈالرکا زرمبادلہ خرچ ہوا جو دسمبر میں 1.24 ارب ڈالراورگزشتہ سال جنوری میں 750.27 ملین ڈالرتھا، مالی سال 2023 کے دوران مشرقی ایشیا کے ممالک سے درآمدات کامجموعی حجم 11.74 ارب ڈالرریکارڈکیاگیاتھا