آرمی چیف جنرل سید عاصم مینر کا ’’حیدر ٹینک‘‘ پائلٹ پراجیکٹ کا افتتاح

چیف آف آرمی سٹا ف جنرل سید عاصم مینر نے ہیوی انڈسٹریز ٹیکسلا میں ’’حیدر ٹینک‘‘ پائلٹ پراجیکٹ کا افتتاح کردیا۔

آئی ایس پی آر کے مطابق چیف آف آرمی سٹاف جنرل سید عاصم منیر نے ہیوی انڈسٹریز ٹیکسلا کا دورہ کیا اور حیدر ٹینک پائلٹ پروجیکٹ کی رول آوٹ تقریب میں شرکت کی۔  ’’حیدر ٹینک‘‘ پائلٹ پراجیکٹ کی تقریب میں چینی سفیر اور چین کی نورنکو کمپنی سمیت اعلی پاکستانی عہدے دار بھی شریک ہوئے۔ آرمی چیف کو حیدر ٹینک کی تکنیکی صلاحیتوں کے بارے میں مفصل بریفنگ دی گئی۔اسلحے اور دیگر ہتھیاروں کو اندرون ملک تیار کرنے کے حوالے سے بھی آگاہ کیا گیا۔

#ISPR
General Syed Asim Munir, NI (M), Chief of Army Staff (#COAS), visited Heavy Industries Taxila (HIT) today as chief guest at the rollout ceremony of HAIDER tank (Pilot Project).@OfficialDGISPR #PakArmy #Pakistan

The ceremony was attended by Ambassador of the Peoples… pic.twitter.com/9BKHoNHwtm

— Pakistan Armed Forces News ?? (@PakistanFauj) March 6, 2024

آرمی چیف جنرل سید عاصم مینر نے ہیوی انڈسٹریل کمپلیکس کے مینوفیکچرنگ شعبوں کا دورہ کرکے افسروں اور دیگر ورک فورس کے عزم اور شاندار تکنیکی کامیابیوں کو سراہا ۔

ترجمان پاک فوج کے مطابق  ہیوی انڈسٹریز ٹیکسلا نے چین کے تعاون سے تیار کردہ حیدر ٹینک باضابطہ طور پر رول آؤٹ کر دیا ہے۔ بے مثال فائر پاور کے ساتھ حیدر ٹینک جدید ترین ٹیکنالوجی سے تیار کردہ اور شاندار صلاحیتوں کا مالک ہے۔

ترجمان کے مطابق حیدر ٹینک میدان جنگ میں بہترین نقل و حرکت کے ساتھ اپنے تحفظ کی بھی شاندار خوبیاں رکھتا ہے۔دفاعی اختراعات کے شعبے میں بے مثال مہارت کے حصول میں حیدر ٹینک پاکستان کی دفاعی صنعت کے عزم کا اظہار ہے۔