جیکب آباد میں مسافر کوچ اور منی ٹرک میں ٹکر سے 5  افراد جاں بحق ہوگئے۔

تفصیلات کے  مطابق حادثہ جیکب آباد کے علاقے ٹھل میں گرڈ اسٹیشن کے پاس پیش آیا جہاں مسافر بس ایک منی ٹرک سے جا ٹکرائی جس کے نتیجے میں 5 افراد جان بحق اور متعدد زخمی ہو گئے۔

پولیس حکام کے مطابق جاں بحق افراد کی لاشیں نکال لی گئی ہے، جبکہ زخمیوں کو علاج کے لیے قریبی  اسپتال منتقل کیا جا رہا ہے۔

پولیس کا کہنا ہے کہ مسافر بس کوئٹہ سے صادق آباد جا رہی تھی۔

آل پاکستان جیمز اینڈ جیولر ایسوسی ایشن کے مطابق ملک میں  سونے کی فی تولہ قیمت میں  1700 روپے کمی ہوئی ہے جس کے بعد  سونے کی  قیمت 2 لاکھ 83 ہزار روپے ہے۔
 جبکہ 10گرام سونے کی قیمت 1457 روپے کم ہو کر 2 لاکھ 42 ہزار627 روپے ہوگئی۔ 
عالمی مارکیٹ  میں سونےکی قیمت میں 17 ڈالر کی کمی ہوئی ہے جس سے سونے کی نئی قیمت 2735 ڈالر فی اونس ہو گئی ہے ۔ 

پاکستان نے ہانگ کانگ سپر سکسز ٹورنامنٹ کے سیمی فائنل کیلئے کوالیفائی کرلیا۔

گرین شرٹس نے ہانگ کانگ سپر سکسز ٹورنامنٹ کے کوارٹر فائنل میچ میں جنوبی افریقا کے خلاف 17 رنز سے کامیابی سمیٹ کر ایونٹ کے ٹاپ فور مرحلے میں جگہ بنائی۔

کوارٹر فائنل میچ میں پہلے بیٹنگ کرتے ہوئے پاکستان نے مقررہ 6 اوورز میں 3 وکٹوں کے نقصان پر 105 رنز بنائے۔

جواب میں جنوبی افریقا کی ٹیم 4 وکٹوں کے نقصان پر محض 88 رنز تک بناسکی۔

پاکستان کی جانب سے محمد اخلاق نے 16 گیندوں پر 53 رنز کی شاندار اننگ کھیلی جبکہ حسین طلعت نے 11 گیندوں پر 27 سکور کیے۔

گرین شرٹس کی طرف سے حسین طلعت نے 2 کھلاڑیوں کو پویلین کی راہ دکھائی۔

دوسری جانب ایونٹ کا سیمی فائنل مرحلہ اور فائنل معرکہ اتوار کو کھیلا جائے گا۔

یاد رہے کہ پاکسان نے جمعہ کو کھیلے گئے میچ میں بھارت کو شکست دے کر کوارٹر فائنل کیلئے کوالیفائی کیا تھا۔