صدر مملکت آصف علی زرداری کا اپنی تنخواہ نہ لینے کا فیصلہ

اسلام آباد: صدر مملکت آصف علی زرداری نے بحیثیت صدر تنخواہ نہ لینے کا فیصلہ کیا ہے۔

ایوانِ صدر کے پریس ونگ سے منگل کو جاری بیان کے مطابق صدر ِمملکت نے یہ فیصلہ درپیش معاشی چیلنجز کے پیش نظر کیا ہے۔

صدر آصف علی زرداری کے فیصلے کا مقصد ملک میں دانشمندانہ مالیاتی انتظام کی حوصلہ افزائی کرنا ہے۔ صدر مملکت نے قومی خزانے پر بوجھ نہ ڈالنے کا فیصلہ کیا اور تنخواہ نہ لینے کو ترجیح دی ہے۔