سونے کی فی تولہ قیمت میں 350 روپے اضافہ

سندھ صرافہ بازار جیولرز ایسوسی ایشن  کے مطابق سونے کی  فی تولہ قیمت میں 350روپے کااضافہ ہوا ہے جس کے بعد ایک تولہ سونا  112650روپے کا ہوگیا ہے، جبکہ   دس گرام سونا 300روپےبڑھ کر 96580روپے کا ہوگیا ہے۔

عالمی مارکیٹ میں سونا 5ڈالر کے اضافے سے 1908ڈالر فی اونس کا ہوگیا ہے۔

دوسری جانب  پاکستان اسٹاک ایکس چینج میں 294پوائنٹس کی تیزی کے ساتھ کاروبار کا اختتام ہوا ہے۔ انڈیکس کی 48100پوائنٹس کے ساتھ چار سال کی بلند سطح پر پہنچ گئی ہے۔

100انڈیکس بڑھ کر 48191پوائنٹس کی سطح پربند ہوا ہے جبکہ  کاروباری حجم 1.3ارب حصص کےریکارڈ سودوں پر مشتمل رہا۔