میڈ ان پاکستان کورونا ویکسین پاک ویک لانچ کردی گئی

تفصیلات کے مطابق  میڈ ان پاکستان کورونا ویکسین پاک ویک لانچ کردی گئی ہے،ڈاکٹر فیصل سلطان کا کہنا ہے کہ  قومی ادارہ صحت میں 7 ادارے کام کر رہے ہیں، نیشنل ہیلتھ ڈیٹا سینٹر کی ملک میں بہت ضرورت ہے،چین سے ہماری گہری دوستی ہے ، کورونا کے مشکل حالات میں بھی چین نے اپنی دوستی نبھائی ہے۔ڈاکٹر فیصل سلطان نے کہا کہ خام مال سے ویکسین بنانا اتنا سادہ مرحلہ نہیں۔

سربراہ این سی او سی  اور وفاقی وزیر اسد عمر کا کہنا تھا کہ  قوم کو فخر ہے کہ این آئی ایچ نے ویکسین بنائی ہے ۔ کورونا کی وبا کے دوران 2800 آکسیجن بیڈز کا اضافہ کیا گیا۔ پاکستان کی تاریخ کا سب سے بڑا صحت کا منصوبہ پی ایس ڈی پی میں شامل کیا۔

اسد عمر نے کہا کہ  وہ قومیں ترقی کرتی ہیں جہاں علم میں اضافہ ہوتا ہے ،  کورونا کا دنیا بھر کیلئے بہت بڑا چیلنج تھا ،  قوموں کی ترقی میں پڑھے لکھے لوگوں کو اہم قردار ہے ، 18ویں ترمین کے بعد صحت کے ادارےکا اختیار صوبوں کے پاس ہے ،  آپ نے اچھے فیصلے کرنے ہیں تو آپ کو پتہ ہونا چاہیے پہلے ملک میں ہوکیا رہا ہے ،  این سی او سی نے صوبوں کیساتھ ملکر بہت اہم کردار ادا کیا ، اللہ کا شکر ہےکورونامیں پاکستان کی صورتحال دوسرے ممالک کی نسبت بہتر رہی ہے۔